ZALEN July 6, 2025: Tun hnai khan sava chanchin zirmite chuan Phawngpui National Park-ah India ram hmun danga la awm ngai lo sava chi thar an hmu chhuak.

Sava chi thar hmu chhuaktu zinga mi, Christopher Z. Lawlor hnen atanga ZALEN thudawn danin March ni 10,2025 khan sava chanchin zirmite nen Phawngpui national park an kal naah sava chi khat a hrawk leh a thla ki rang an hmu. 

He sava hi India ram hmun danga la hmuh ngai loh a ni tih sawiin sava la hmuhchhuah loh a nih chu 99% in ring mah se, lehkhabu dangte an rawn hnuah a chi thar a ni tih an hmu chhuak ta niin a sawi a. Hetiang sava hi Myanmar lamah pawh a awm niin mi thenkhat ten sawi mah se, a finfiahna a awm lo niin a sawi bawk.

Phawngpui tlanga sava an hmuh thar hi 'White-throated Rock Thrush Monticola gularis' [a Mizo hmingah Vainronghak (va-in-ro-nghak) awrvâr] an phuah a, hei hi Indian BIRDS journal June 24, 2025 ah pawh tarlan a ni. Thudawn danin Mizoramah hian sava thla la thin mi 60 vel an awm a, tuna hmuh chhuah thar nia hriat Vainronghak awrvâr tak erawh tumahin a thla an la la fuh lo nia thudawn a ni.