ZALEN May 26, 2025: Police Training School (PTS), Thenzawl Principal kalchhuak Ruatsanga Ralte chuan vawiin atang khan Sr. Superintendent of Police, Traffic, Aizawl hna zawmin, pisa a luah a tan a. 1st IR Bn. Commandant Lalṭhakima Ralte chu PTS Principal-in a awm thung ang. 

Aizawl Traffic Sr. SP thar Ruatsanga Ralte chuan "He hna zawm chak taka lo kal ka ni lova, hreh taka lo kal pawh ka ni lo, sawrkar thu zawmin, min dahna ah mawhphurhna ka kova tla hlen chhuak turin ka lo kal a ni," a ti a. Aizawl khawpui traffic thunun leh dan kengkawh kawngah ngaihtuahna thar seng tlang turin a thawhpuite a sawm a ni.

A thawhpui tur te chu a tan mithar an awm loh thu leh a thawhpui tur te tan amah chu pawh mithar a nih bik loh thu Aizawl Traffic Sr. SP thar chuan sawiin, chakna lai leh chak loh na lai inhriatpui tawn sa an nih avangin an thawhhona turah pawh thawhhona tha leh thil tha zawk a chhuah zel a beisei thu a sawi bawk.

#ZalenNews