ZALEN June 6, 2025 : Pachhunga University College chuan an zirlai class of 2025 te tan Grad Dinner Programme vawiin khan PUC Multipurpose Hall-ah an buatsaih a. 

He hunah hian Prof. H. Lalthanzara, Principal, PUC chuan Final semester zirlaite fuihna thu a sawi a. He hunah hian zirlaite aiawhin Vanlalhriatpuii, 6 Semester zirlai chuan thusawina hun a nei a. Zirlaite fuihna thusawi tawi Prof LH Chhuanawma hnen atanga ngaihthlak a ni bawk.  

Kuminah hian zirlai 707 (BA 433, BSc 205, B.Com 48 leh BBA 21)-in Pachhunga University College atangin Mizoram University hnuaia UG final exam an bei a ni. He college zirtirtute chuan kumdang aia UG final exam an tlem ber tum niin an sawi a, CUET (Common University Entrance Test) hmanga admission an tih tan kum 2022-a lutte an ni a, hemi kum hian admission system a inthlak avangin zirlai lut pawh an tla hniam nasa niin an sawi.

Pachhunga University College hian kumtin zirlai pass chhuak turte tan 2005 atangin Grad Dinner hi an buatsaih tan a ni.