ZALEN December 9, 2024 : Mizoram Quarry Association-te chuan tunlai hian Mizoram-ah Quarry nei, mahse, hma la lo, Explosive License nei si ten lung halna pawn lama hralh chhuak an awm thu Aizawl DC Er. Lalhriatpuia, IAS an hrilh.

Qurry neitute chuang hei hi dan phal loh anih avangin heng mite hnen atang hian lei tawh lo turin mipuite an in hriattir tih an thuchhuah ah an tarlang.

Mizoram Quarry Association-te hian Aizawl DC, Er Lalhriatpuia, IAS an hmuh tum hian Quarry Permit nei silova, Lunghàlna hmanrua, sumdàwnna atàna hmang an awm thu an thlen bawk a, Mizoram-ah Explosive zawrh phalna Licence nei pakhat chauh an awm thu an thlen bawk a ni.

MQA hruaitute hian Geology & Mining Director chu a Office-ah hmuin, Quarry neilo, Permit pawh neilo, Quarry behchhana sumdawng, trip tling lova Cubic, Rora zuar te, Lung chang tha nilo lo zuar thin te an awm thu an thlen a, hei bakah hian Explosive zawrh phalna licence nei lo, zuar thin awm nia hriat te chu an ngaimawh thu an thlen bawk a ni.