ZALEN June 29, 2025: School Education department chhinchhiah danin Mizoramah raltlan enkawl sikul 36 an awm mek.

School Education department chhinchhiah dan chuan Myanmar atanga raltlante hian school 35 an enkawl mek a, Manipur atanga raltlante enkawl school pakhat a awm a. Heng school 36-ah hian zirlai 3,365 leh zirtirtu 253 an awm mek a ni. 

Heng sikulte hian sawrkar atangin tanpuina dawn an nei lo a, sawrkar atanga phalna pawh an nei lo va. Raltlante hian sikul mamawh leh zirtirtute hlawh hi hmun dang atangin an hmu nia hriat niin anmahni tawngin zirtirna an kalpui a, Mizoram Board of School Education syllabus pawh an hmang lo a ni.