ZALEN May 8, 2025 : Aizawl Two Wheeler Taxi Association (A.T.T.A) General Assembly 2025 Zarkawt Community Hall a neihin, 'Ram lellung faten kan chanvo kan hum him zelna turin, hnamdang Two Wheeler Taxi khalh an awm leh awmloh dapchhuah nise' ti a a lo pass chu bawhzui in sawrkar thuneitu te thawhpuina an ngen in mipui te support na an dil tel nghal bawk a ni.

Aizawl Two Wheeler Taxi Association te chuan, Two Wheeler Taxi khalh a eizawnna ah hian ram leilung fa nilo ten he eizawnna an tawmpui ve hi tha an ti lo a, hnamdang leh ramdang mi ram leilung fa ni lo Voters ID leh Adhar Card pawh nei lo ten he eizawnna an lokal pui an duh lo a, India khua leh tui zingah pawh hnamdang ILP nei te chu ILP in a phut ang ni lo a Two Wheeler Taxi khalh an awm a nih chuan thuneitu hnen ah thlen zel an tum.

Mipui te pawhin ram leilung faten an chanvo an humhimna ah support an ngen a, nakin zelah ram tan a ni tih hriatsak a ram leilung fa ni lo hetiang eizawnna lokal pui a hlawkna lo tel an hriat chuan a ranglama thuneitu te hnen ah emaw Aizawl Two Wheeler Taxi Association hruaitu te hnen a hriattir turin an ngen a ni.

Two Wheeler Taxi neitu ten an Two Wheeler Taxi khalhtu atan ram leilung fate ngei lo khalhtir thin turin an ngen a, Lirthei tihral tum te pawhin an lirthei tihral tur te an mi hriatchian, ram leilung fate hnen ah ngei tiral thin turin leh hnamdang hriatchian loh te hnena an lirthei te tiral lo turin an ngen ni.

Aizawl Two Wheeler Taxi Association chuan zoram mipuite leh lirthei khalha an eizawnpui zawng zawng te thawhpui ah an sawmin support na an ngen bawk a ni.