ZALEN May 25, 2025 : Savation Army, Dawrpui Vengthar Corps, Men's Followahip te chuan vawiin chhun khan ruihhlo ngai leh a duh apiang tan Rangvamual, Phunchawng leh Canteen kualah eitur Sawhchiar, Artui leh Frooty an sem. Ruihhlo ngai leh hawna tur nei lo mi 200 bawr velin an thil sem hi an ei a ni.

The Salvation Army Street Mission Ministry chuan kar tin, zirtawpni zanah a duh apiang (a bik takin ruihhlo ngai) te ei tur pein Aizawl hmun hrang hrangah an chhuak vak ṭhin a. Ruihhlo ngai ei tur leh hawna tur nei lo te'n ṭangkai hle ṭhin.

Ei tur pek pah hian Pathian thu hrilhin ṭawngṭaisakna hun hman a ni ṭhin a. Camp emaw Home-a lut duhte chu an buaipui zui bawk ṭhin a ni.