Aizawl October 18, 2022 : Vawiin tlai lama social media lama RIPANS building sak lai chim, nasa taka min anga sawiah Jarkhand lam mi hmeichhia pathum te chu lemin hian a delh a, pahnih chhanchhuah niin pakhat a thi. 

Vawiin chawhnu dar 3 vel khan RIPANS Administrative block hnuaia Academiv IV sak mek ah hmeichhe 3 hnathawk chu kopang min in a delh a, pahnih hi chu an na lutuk lo a, 1 erawh in nunna a chan. An zavai hian state pawn lam atang hnathawk a awm an ni. Boralta hi hmuh a nih veleh Dr H.Lalrinmawia, Director RIPANS chuan a tanna hmun ah chhanchhuah tumin CPR pe in a buaipui nghal a. Chhanchhuah theih a ni ta lo a ni. 

Kopang min hi a nasa lo niin RIPANS lam atanga thudawnna chuan a sawi a, a hnuaia thil tifaia an lo awm lai tak a delh fuh a ni ber niin an sawi. Lei hi tlai dar thum vela min a ni a, a delh te hi tlai dar 4-ah Civil Hospital thlenpui hman an ni a, mahse, pakhat hi chhan hman a ni ta lo a, mithi hi an khua lama phurh turin contractor ten he thu buatsaih lai thleng hian an buaipui mek a ni.