RTI Act hman hnuah zawhna 32,856 a lut tawh

ZALEN June 8, 2025 : Mizoram Information Commission (MIC) chhinchhiah danin, kum 2023-24 chhung khan sorkar department hrang hrang hnuaia office/board 170 chuan Right to Information Act, 2005 tlawhchhanin zawhna 5,734 an dawng. Kum 2006-07 atanga a taka RTI Act kalpui a nih atangin 2023-24 thlengin zawhna 32,856 a lut tawh.

RTI Act, 2005 hi Mizoramah a takin kum 2006-07 atangin hman a ni a, hman a nih atanga 2023-24 thlengin zawhna 32,856 a lut tawh. Chhannaa lungawi loh vangin first appeal 496 leh second appeal 141 a lut tawh a, MIC-ah complaint 155 a lut tawh bawk.

MIC hian RTI Act, 2005 hnuaia Section 25-in a phut angin kum tin report a buatsaih thin a, final report hnuhnung ber chu 2023-24 a ni. Tunah hian financial year 2023-24 chhunga report lak khawm mek a ni.

Kum 2023-24 chhung khan Mizoram sawrkar department hnuaia office/board 170 chuan RTI Act tlawhchhana zawhna 5,734 an dawng. Kum 2022 July thla atangin online RTI kalpui a ni a, MIC data tarlan a nih danin, online RTI kalpui a nih atangin RTI hmanga zawhna zawt an pung.

August 2023 atangin Village Council leh Local Council te chu public authority-ah puan an ni a, VCP/LCC te chu SPIO-ah ruat an ni. Khawtlanga hmasawnna hna thawh chungchangah VC/LC te chu RTI zawhna zawh theih reng an ni.

ZAWHNA LUH DAN

Kum Zawhna 1st Appeal 2nd Appeal Complaint

2006-07 476 6 1 6

2007-08 371 2 5 9

2008-09 177 2 5 15

2009-10 695 8 3 13

2010-11 741 12 8 12

2011-12 1045 2 8 16

2012-13 1316 17 1 8

2013-14 1750 42 11 10

2014-15 1593 14 10 10

2015-16 2136 23 4 16