ZALEN May 8, 2025; Vawiin chawhnu dar 4 a Vaivakawn Zohnuai leiminna thlanga ruang hmuh chu kumin January thla atanga chin hriat loh a awm, Tv. Christopher Lalruatfela, Dawrpui Vengthar a ni tih finfiah a ni.

Dawrpui Vengthar YMA

ZUALKO

Hun rei tak kan zawn tawh, Tv. Christopher Lalruatfela (Tetea) ruang zanin tlai hian hmuh a ni a. Finfiah a ni tawh a. Tunah (6:20 PM) hian ZMC ah post mortem tura phurh phei a ni anga. Post Mortem zawhah anmahni chenna inah luh pui tur a ni ang. Zanin a vui nghal tur a ni dawn a. A dar zat hi Post mortem zawhah kan inhriattir leh dawn nia.

Vawiin lam chanchin han tarlang tel ila. Chhunah Tetea bike hmuh a nih thu kan hriat angin, a hmunah zuk kal nghal a ni a. RV Road (Hunthar area), Zohnuai leiminna zawn thla zelah khan a bike lakchhuah a nih hnuah, CYMA Disaster Response Team te'n a bike hmuhna thlang lengkirah tlai dar 4 ah a ruang min zawn hmuh sak a. 6:00 PM velah khan lakchhuah niin, tun hi kan thleng ta a ni.

Sd/-

Secretary, DPVT YMA