ZALEN May 7, 2025; Methamphetamine Kg 236.33, tualchhung rate-a Rs. Vbc. 30.72 man hu man a ni.

Police thuchhuah tarlan danin, 4.05.2025 zana Dungtlang PS team, Thinghrangkawn leh Vanzau inkara patrolling te chuan rinhlelh thilthuah Bungzung pana tlan lirthei pakhat, Bolero, MZ01G -7112 chu Vanzau khuaah tidingin, thuhretu midang hmuh lai ngeiin a chhunga chuang mi pahnihte leh lirthei hi check a ni a. Uluk taka an dap hnuah satha ip pariat (8) chhungah, Methamphetamine tel 199 man a ni ta a ni.

 Methamphetamine hi a vaiin mum 20,09,900 niin Kg. 236.33-a rit a ni a, tualchhung rate anga chhutin Rs 30,72,29,000/- man hu a ni. Lirthei leh a thil phurhte hi man nghal a ni a, pawisa fai, Rs. 2,89,500/- pawh lirtheiah hian hmuh niin man tel a ni.

Lirthei khalhtu leh a mi phurh Laltanpuia (30) s/o Lalchamreia, Champhai Vengthar leh Vanropuia (27) s/o Lalchamreia, Champhai Vengthar te pawh man niin, dan anga hma lak chhunzawm a, chhui zui zel turin Dungtlang PS C/No. 17/25 Dt.04.05.2025 u/s 22(c)/25/29 ND&PS Act ziah luh a ni.

He thil chhui zui tur hian rang takin team din nghal niin, Kolasib lamah he ruihho lo dawngtu tur man chhuak turin intirh nghal a ni a. Heng mi pathum, (1) Nirupan Nath (27) s/o Nishendra Nath, Kadamtala, Tripura (2) Lukman Uddin (33) s/o Abdul Mannan, Churaibari, North Tripura leh (3) Sagardey (27) s/o Sankar Dev, Choraibari, North Tripura te chu Zanlawn daiah man an ni ta a ni.

Shivendu Bhushan, IPS, SP Champhai kaihhruaina hnuaiah uluk taka chhui zui niin, ruihhlo tawlh rukna hailang zel turin hma lak chhunzawm zel a ni.

#ZalenNews