ZALEN May 7, 2025; Judge, Special Court, ND&PS Act, Champhai chuan ruihhlo kaihhnawiha man Thangmunglian chu thiam loh chantirin hrehawm taka kum 10 Lung in tang tur leh Rs. Nuai 1 chawi turin a hrem.

Court thu remnaa tarlan a nih danin October ni 20, 2022 khan Mualbuhvum, Champhai-ah Excise & Narcotics Dept chuan Auto Rickshaw pakhat atangin Heroin Gram 426.37 an man a. Ruihhlo kaihnawihah hian a neitua puh Thangmunglian chu man tel niin ND&PS Act hnuaiah thubuai siamsak a ni a.

He thubuai hi Liansangzuala, Special Judge, ND&PS Act, Champhai chuan ngaihtuahin thuhretu hrang hrang te thusawi atangin Thangmunglian hi ND&PS Act, Section 21 (c) hnuaiah thiam loh a chantir ta a ni.

Court chuan Thangmunglian ukil thusawi leh Public Prosecutor thusawi te a ngaihthlak hnuah nimin khan hrem a nih thu hi puangin kum 10 chhung hrehawm taka lungin tang turin leh Rs 1,00,000/- chawi turin a hrem ta a ni.

#ZalenNews