ZALEN July 19, 2025 : MPYCC chuan Kum 15 daih kawng siam tura inzuarten mipui harsatna chinfel aia an taksa siam danglam leh huau huau lama hun an khawhral zawk zel avangin Mizoramin harsatna namen lo kan tawk. Driver te'n harsatna an tawh mek hi a ranglamin hmalak pui rawh se, an ti

Vawiin ni 19.7.2025 (Inrinni) atanga Mizoram Oil Tanker Drivers Association ten kawng chhe lutuk avanga nawrh an neih a ngai ta hi Congress Thalai chuan pawi a tiin thusawi thiam leh thil dik lo sawi mam thiam aia a taka hlenchhuak thei leh innghahna tlak Sawrkar Mizoramin a mamawhzia a tichiangah Congress Thalai chuan a ngai a ni. 

Congress thalai chuan ZPM sawrkarah thal vawi hnih hun rei tak kan hmang tawh a. ZPM sawrkara a fawngvuantu Chief Minister, Minister te leh MLA mi 8 in kawng siam tur leh siam mek an tlawh tawh hnua Mizoram dinhmun chu ZPM official hovin Social Media vela phochhuah tur thlalak thar an neih belh leh kawng chhia avanga nawrhna leh harsatna thleng hi a ni, an ti. 

"ZPM sawrkar hian kan ti ang an tih aia kan ti ve lovang tih zawng zawng an tih hlawhtlin zawk zel avangin Mizoramin kawng hrang hrangin harsatna kan tawk a. Mizoram hmun tinah kawng chhia avangin harsatna namen lo a thlen belh mek zel laiin kum 15 daih kawng siam tura inzuar ten kawng an siam aia nuam tawlna lam an buaipui avangin nitin Mizoramin harsatna kan tawh a zual belh mek," am yi bawk. 

Kawng chhia avangin lirthei tam tak khaw kar kawngah an tangkhang mek a. Hetih lai hian a changtu PWD Minister lah chuan kawng chhe siam thatna lam aiin nuamtawla lam lamah a insawrbing zawk chu thil zahthlak leh Kohhran mit-mei zah lohnaah Congress Thalai chuan an ngai. 

Kawng chhia siam that theih loh avanga ZPM sorkara Chief Minister Lalduhoma leh PWD Minister ten midang mawhpuh an tumna chuan Mizoram mipui rilru thuk takin a tina a, an chungah mipuiin rinna nghah ngam harsa an ti tawh hle, tih chiang tawlh tawlh a ni an ti bawk.