ZALEN June 1, 2025 : Tunlai ruahsur nasat avanga Sentezel Quarry chimin kawngpui a hnawhpin avangin Thenzawl-ah khualzin tangkhang 200 chuang awmin, vawiin lamah kawng a tlang loh chuan Mizo mikhual inthlen dana in tina sem darh tum. 

Thenzawl South VC member Zonitluanga chuan Sentezel Quarry chim hi Hitachi pahnih hmanga then niin ruah a sur chhunzawm zel bakah lung hi a tlak deuh reng avangin hnathawh chak theih a ni lo tih a sawi.

Thenzawlah hian mikhual tangkhang 200 chuang an awm mek a, vawiin lamah kawng hi a tlang lo a nih chuan khualzin tangkhangte hi sem darh a, Mizo mikhual inthlen dana in tina sem darh an tum. Thenzawl Field veng Br. YMA leh Thenzawl South VC chuan vawiin khan chaw ei tur an buatsaih sak.