ZALEN June 7, 2025 : BJP Mizoram chuan Central Sawrkarin Pradhan Mantri Garib Kalyan Anna Yojana (PMGKAY) kaltlanga, Ration Card AAY te leh PHH te tan tun June 2025 thla Ration sem hun atana Buhfai thla thum ei tur sem lawk tura a ruahmanna a siam chu kuthnathawktute, mi harsa zawkte tana an ruahman chu lawmawm an ti. 

BJP Mizoram chuan Mizoram-a khaw tam tak chu fur ruahtui tlak tam avanga inkalpawhna kawng ping thut awm thei a ni thin a, chuvangin fur pui a thlen hmaa Buhfai an lak lawk theih chuan Buhfai-a harsatna tawhna tur tam tak lakah a chhawk ngei dawn tih a lang a, mipui tana awlsamna siamsaktu Prime Minister Modi-a chungah lawmthu an sawi. Central Sawrkarin hma a lakna hi Mizoram sawrkar tan pawh a thawven thlak hle dawn, an ti.

BJP Mizoram chuan hei mai bakah hian Ration Card Var (Non-NFSA) nei te pawh Central sawrkar pek nghak lo a, Furpui lo thlen hma ngei a, thla thum ration pe ve turin Mizoram sawrkar an phut a, Midangte tih hmuhtu-ah tanga Mipui tana hma la turin Mizoram sawrkar chu an phut bawk.