ZALEN June 13, 2025 : Air India Flight 171 Gujarat-a a tlak avanga thi te chu Tata Group te chuan zangnadawna atana an chhungte chu Cheng nuai 100 theuh pek an tum tih an puang. Inhliam te inenkawlna pawh an tum vek tur thu an sawi.

Ram pumin he chhiatna hi an tuar mai piah lamah an ngaihven a, Chairman of Tata Sons N Chandresekaran chuan he thil thleng hi pawi a tih thu a sawi a, "He thil thleng rapthlak tak hi eng thu maha sawifiah theih a ni lo a ti a, an hmangaih chan chhungte te kan tawrhpui tak zel a, hliam te pawh kan tawngtaipui reng a ni," tiin X-ah a post.

London pan tur Air India thlawhna hian mi 242 a phur a, June 12 khan an thlawhchhuah atanga reilo teah a tla a, BJ Medical College-a doctor hostel chungah a tla a ni. Kum 40 mi British khua leh tui Vishwash Kumar Ramesh, seat No. 11A a thu chu he chhiatna thlenga damchhuak awmchhun a ni.

Tata Group te chuan damdawiin hostel a delhchhiat pawh hi siam that an intiam a, inhliam te inenkawlna senso pawh an tum vek dawn bawk.