ZALEN May 7, 2025 : ZPM Thalai chuan thudik chanve hmanga Health Care Scheme chungchangah Mizo mipuite hnena Politics khel tawh lo turin Health Minister hlui Dr R.Lalthangliana kan ngen, an ti.

ZPM Thalai chuan, "May 5, 2025-a MNF PR-NO-264/2025 a kan lo hmuh angin kan Health Minister hlui zahawm tak Dr R. Lalthangliana chuan ‘Asian Development Bank atanga Loan puk phalna MNF Sawrkar in a ti fel tawh’ ti a a sawi chu thudik chanve niin, theih tawp chhuaha hma an lo lak tawhna erawh tha kan tihpui a, amaherawhchu, thudik famkim sawi thin turin thurawn kan pe duh a ni."

"Asian Development Bank atanga Loan lak tumna hi MNF Party Sawrkar lai May 31, 2022 khan 128th Screening Committee of Department of Economics Affairs (DEA) chuan ngaihtuahin NITI Ayog, Ministry of Health & Family Welfare te comments a la a, an ni hnen atanga comments lak a nih hnuah June 14, 20220-ah Screening Committee chuan approval a pe a, he approval hi Loan lakna tura Approval a ni lo tih kan Health Minister hlui Dr. R Lalthangliana hi kan hrilh hre duh a ni," an ti.

ZPM Thalai chuan, "Screening Committee Approval hmuh a nih hnuah Fact Finding Mission neiin Asian Development Bank hotute pawh Mizoramah lo kalin Fact Finding Mission tih ngaite an rawn ti a, Loan Approval pek hmain Independent Verification Agency (IVA) chu tifel hmasa turin Mizoram Sawrkar chu an hriat tir bawk a ni. Loan lakna tura MNF Sawrkar laia Proposal siamsa hi Grant Fund tura tih a ni a, amaherawhchu Universal Health Coverage atan Grant pek theihna hi Central Govt. Policy ah a awm loh avangin Proposal chu ennawn (re-examine) turin DEA chuan Asian Development Bank leh Mizoram Sawrkar chu November 22, 2024 khan a hriattir bawk a ni," an ti

Asian Development Bank (ADB) puihna in Mizoram Sawrkar chuan Proposal siam ngai te siam thar lehin a hming atan “Supporting Health Care Systyem Strengthening to Achieve Universal Health Coverage for Mizoram” tiin a hming pawh a thlak a, Propposal thar DEA hnenah a thawn leh a ni. Loan negotiation neih hmain NITI Ayog, Ministry of Health & Family Welfare leh Department of Expenditure (DOE) comments chu DEA in a dil hmasa leh a, Ministry of Health & Family Welfare leh NITI Ayog queries awmte chu chhan niin heng chhanna te hi Mizoram Sawrkar chuan a thawn let leh tawh a ni. Heng zawng zawng tihfel hnu hian Loan Negotiation leh Loan Signing hi a awm thei dawn chauh a, hei hi Mizoram Sawrkarin ADB hnen atanga Loan a dil tirh phat atanga Loan lak dan tur kalphung duansa a ni.

Health & Family Welfare Minister Lalrinpuii hmalakna kal zelah Mizoram Universal Health Care Scheme hi harsatna awm lova kalpui zel a ni a, MUHC Funding na tur ADB a loan dil chungchangah MNF Sawrkar tihfel sa ZPM Sawrkar chuan rin tur a hmu lova, theihtawp chhuah a hma tharte lain Loan process dan kalphung pangngai in tunah hian hmalak mek niin a hlawhtlin ngei pawh ZPM Thalai chuan a beisei a, Health Minister hi a hmalakna ah an ring tawk bawk a ni, an ti.