ZALEN July 18, 2025; Saituala District Education Officer chu thlaktu awm loa sawn tum a ni tih sawiin, an duhloh zia lantir nan Saitual MZP Hqrs leh All NGO Saitual hmalaknain DEO leh a staff te Pisa kai tur nimin khan an dang.

DEO pisa kai tur dannaah kalkhawmte hian resolution siamin, District Education Officer sawnchhuah sak chungchangah MZP Headquarters Saitual ten hma lain, Education Minister leh bialtu MLA te hnena DEO sawnchhuak lo tura an ngenna chuan awmzia a nei lova, hei vang hian DEO leh a hnathawk zawng zawngte chu Saitual District VC Association leh All NGO te chuan tiam chin awm lova an Pisa kai tur dan nise an ti tih an sawi a ni.

Saitual DEO chu a thlaktu tur awm lova sawnchhuah an remti lova, a thlaktu tur DEO ngei sawrkarin a pek hma loh chuan sawnchhuah sak lo tur leh Transfer order chusut sak turin sawrkar an ngen tih an resolutionah chuan an tarlang bawk a ni.

#ZalenNews