ZALEN June 7, 2025; Nizana tlaivara Tlabung khawtlang hruaituten an khua aṭanga Gov't Tlabung High School zirtirtu kal chhuak tur an dan hnu-ah, tukin lamah zirtirtu an danna hmun an pan khawm leh ṭan. 

Tukina Gov't Tlabung High School tuala kal khawm zingah hian VC bakah YMA, MHIP leh zirlai pawl hruaitute an tel. 

Tlabung khawtlang hruaitute chuan, an khuaa Gov't High School, Tlabungah thawktu an indaih tawh loh sa reng laia a awmsa lakchhuah tum a ni chu an dodâl zel dawn tih an sawi nawn a; an khua chuan mipui inhâwrkhawm zawnga sawrkar an kar ve ngai loh avangin, khaw thenkhatin tharum nena sawrkar an nawr tlâwm hnu-a a tuartu-a an ṭang ṭhin chu thlen nawntir an tum tawh loh thu an sawi.

#ZalenNews