ZALEN June 5, 2025; Keifang dai-a Truck chesualah a khalhtu Nginsiamthanga (21) Champhai District-a Ngur khaw mi a thi.

Thudawn danin, hetsualna hi tukin dar 8:30 vel-a thleng a ni a, Aizawl lam atanga Champhai pana tlan TATA truck chu Keifang thlen hma Kilometre 14 velah kawngchhak lam tuihawk luankawr-ah a tla a, tuihawk luankawr atanga chhuah an tumna lamah hian driver Nginsiamthanga chu motor atanga chhukin, a handyman Lalbiakdika a khalh tir a, driver hian kawng chhak lamah a lo endik thung a, back chhuah an tumna lamah a ke hnung chu tuihawk luankawrah tla lut ve lehin, motor hian Driver Nginsiamthanga hi kopang-ah a nek bet a, Nginsiamthanga hi lakchhuah a nih chuan a lo thi hman tawh a ni.

Nginsiamthanga ruang hi Saitual District Hospital-a endik a ni a, Keifang Leitan Branch YMA in kuang tum sakin, vawiin vek khan an khua Ngur-a vui tura lak a ni.

#ZalenNews