ZALEN May 22, 2025; LBS Suzuki 22nd Inter Branch YMA football khelh chhoh mek a ni. He inelna hian hlut a hlawh chho zel a, tualchhung football-in ngaihhlut a la hlawh reng tih a fiah chho mek zel bawk.

Mizo tlangvalin a veng leh a khua tana theihtawp a chhuah tluka hmuhnawm, hmuh nuam leh ṭanawm dang a awm chuang lo. A level san leh san loh lam a ni lo a, lawmman ropui leh ropui loh lam pawh a ni lo. An veng leh khuate tana theihtawp chhuahte thlan tui farin mipui a hip khawm a, chulai tak chu he inelna ropuina laimu chu a ni e !

Hetihlai hian a hmunah en sen vek theih a ni lo. Tuten emaw rem leh rem lo a he inelna youtube lama an live te chenin thlir a hlawh em em zel a, khawi kip aṭang pawhin he inelna neih mek live a pek chhuah kan thlir mek a nih hi!

Tun hma atanga tun thlengin Mizote infiamna ngainat ber chu football hi a ni chiang a, European football atanga tualchhung football thlengin kan la ngaihlu, veng leh veng, khua leh khua inelna a nih ngat tawh phei chuan a boruak san dan a sang daih a, Pawl tlak thla a rilru leh ngaihtuahna in Bethlehem kan thlir ṭhup ṭhin angin, tunah pawh RG Stadium, Mualpui kan thlir ṭhup mek a nih hi.!

Engpawhnise, kan tun dinhmunah hian tualchhung football a la nung reng e, a la thi lo!

#ZalenNews