ZALEN July 4, 2025; Kumin March ni 29 a PS Muanga thihna chungchang chhuitu Case i/o in huntiam chhunga chargesheet a theh luh loh avanga pawikhawihtute court in bail a chhuah a phalsak nia ngaiin, Champhai Bethel veng leh zirlai pawlte chu vawiin kan Champhai PS tualah an pungkhawm.

Bethel veng khawtlang chuan hun tiam chhung ni 90 a ral hnu pawha vawiin thlenga court a chargesheet theh luh a la ni lo chu Bethel veng mipui zah lohnaah an ngaih thu an sawi a, ni 97 chhungin case i/o hian engnge a tih tih chu an zawhna a nih thu an sawi.

Maipawl in a tarlan danin, chargesheet thehluh hun tura bituk chu June ni 29, 2025 a ni a, case i/o hian chhui zui tur a la neih avangin June ni 19 khan court-ah chargesheet theh luh hun chhung pawh sei a dil a, court hian thla khat chhung hun a pek belh a ni.

PS Muanga hi kumin March ni 29 zan khan Chhangphut field pavillion atangin a tla a, a hliam tuar loin a thi a, he thil thleng chungchangah hian insual rawnna a thleng ngei nia hriat niin, Champhai PS ah thubuai thehluh a ni a, pawikhawihtua puh mi 9 te chu man an ni.

#ZalenNews