ZALEN July 4, 2025 : World Police & Fire Games 2025 Birmingham, Alabama, USA-a neih mekah India aiawha kal Mizoram Police Ngurthanzauva Sailo leh Lalnunpuia te chuan hlawhtlinna an chang a, SSB service lai Lalfakmawii Ralte a champion bawk.

Ngura hi armwrestling 110+kg huangah khelin gold medal leh silver medal a la. Nunpuia hi 110kg huangah khelin gold medal bakah silver medal pahnih a la bawk.

Mizo tlangval pahnih bakah hian Lalfakmawii Ralte chu Boxing (Below 80kg category) ah a champion bawk a ni.

Home Minister K. Sapdanga chuan facebook -a police hlawhtling te hi a lawmpui thu post-in, "India ram chhung mai pawh ni lo, khawvel huap inelnaah Mizo police ten hlawhtlinna an chang hi a lawmawm ka ti hle a, thinlung takin ka lawmpui. Ram rawngbawl hna tha taka kan thawh ho zel theih pawh ka besei tlat a ni," a ti.