ZALEN July 16, 2025; Samthang (Champhai dist.) khuaa zikhlum chingtute chuan hralhna an hriat mumal loh avangin an zikhlum te a ṭawih chhe mek.

Samthang atanga ZALEN thudawn danin, Samthang khua hi in 250 vel niin, chung zinga in 145 vel te chuan zikhlum hmun an siam.

Kuminah quintals nuai 1 leh sing 2 vel thar theih an inbeisei a, tunah hian an thar vanglai an thleng chho mek.

Hetihlai hian a tihralna lamah harsatna an tawh avangin an zikhlum thar quintal engemawzah a ṭawih chhe tawh a, hralhna a awm mumal loh avangin chhungkaw pakhat phei chuan a zikhlum thar te an khaw lunlaiah dahin, a duh a piang lak turin a dah hial a ni.

Hetianga harsatna an tawh nachhan ber nia an ngaih chu state pawn atanga zikhlum lakluh a tam vang a ni a, kum dangah pawh harsatna an lo tawk tawh thin a, kumin ang em em a harsatna an tawh erawh a la awm ngai lo.

#ZalenNews