ZALEN June 6, 2025; Joint Coordination Committee, Lungtian hmalakna in Govt. Modern High School zirtirtu leh zirlaite school kai tur dan an ni dawn.

Thuchhuah an siama an tarlan danin, ni 27.5.2025 a thuchhuah an siam, Modern High School zirtirtu H Lalhmingmawia, Govt. Aizawl High School a transfer a nih chung changah sawrkarin ni 31.5.25 ral hma a transfer order a sutlo a nih pawhin a aiawh regular teacher (Mathematics zirtirtu) pe tura an phutna vawiin thlenga chhanna an dawng lo chu mak an tiin, khawtlang mipuite zahlohna leh zirlaite hmakhaw ngaih lohna lian takah an ngai tih an tarlang.

Thuchhuah siama an lo sawi tawh angin, ni 10-11, June 2025 khian Govt. Modern High School zirtirtu leh zirlaite school kai tur an dang dawn a, hei hian rah tha a chhuah lo a nih chuan ni 12.6.2025 atangin total bandh hmangin, tiamchin awm loin BRTF kawngpui dan chah an tum.

#ZalenNews