ZALEN June 5, 2025; NGO Co-ordination committee Zohmun chuan Zohmun high school a science leh mathematics dah phutin zirtirtu leh zirlaite school kal tur an dang dawn.

Thuchhuah an siama an tarlan danin, Govt. Zohmun high school-ah mathematics leh science zirtirtu nei loa hun rei tak an awm chu khawtlang hruaituten sawrkar leh department thuneitute hnenah vawi tam tak an thlen tawh tih an tarlang a, heti chunga tun thlenga science leh mathematics zirtirtu nei loa an la awm chu hriatthiam harsa an ti hle tih an tarlang.

Govt. Zohmun high school-ah June ni 13, 2025 Zirtawpni hma ngeia mathematics leh science zirtirtu pek an phut tih lantir nan June ni 9, 2025, Thawhtanni ah zirtirtu leh zirlaite school kal tur dan an tum tih an tarlang bawk.