ZALEN April 22, 2025; Mizoram sawrkar school zirtirtu inzawmkhawm chuan sawrkar laka an lungawilohna lantir nan an hnathawhna hmunah badge dum an bel mek.

Mizoram sawrkar school zirtirtu inzawmkhawm chuan sawrkar hmasa in zirna hrang hrang dinhmun sang zawka a hlankai te tuna sawrkarin dan siamthat ngai leh fello chhuanlama a paih chu provincialised status-ah dah let phutin, nimin April ni 21 atanga Zirtawpni, April ni 25 thleng khian an hnathawhna hmunah badge dum an bel vek dawn a ni.

Mizoram Govt. School Teachers Union (MIGOSTU) chuan sawrkar hmasa in dinhmun sang zawka zirna in a hlankaina provincialised status chu tun sawrkar cabinet thukhawmin a hnawl bakah high school leh middle school headmaster kum tam tak lo thawk te zirtirtu pangaia an tlak theihna tur an rawn telh thar an ti a, heng cabinet meeting in a rel te chu a rang thei ang bera ngaihtuah that leh ni se an duh tih sawiin, provincialised status ah dah let an duh tih an sawi.