ZALEN June 10, 2025; Mizoram sawrkarin Tlabung high school zirtirtu a transfer-na a cancel.

May ni 30, 2025-ah Govt Tlabung High School zirtirtu, Esther Lalhlupuii, Lungtian High school-a sawn (transfer) tura tih a nih chungchangah Joint VC & All NGOs Tlabung te'n lungawilohna lantirin, Transfer Order cancel turin sawrkar lakah thuchhuahte siamin, khawtlâng mipui kalkhawm te'n 'resolution' point engemaw zat an lo passed tawh a, an ngen leh beisei ang takin Gov't Tlabung High School Zirtirtu Esther Lalhlupuii Transfer order chu CANCEL a ni tih vawiin ni 10/6/2025 (thawhlehni) hian sorkar aṭangin an hre ta a ni.

Hemi chungchangah hian Jt. VC leh All NGOs Tlabung te chu an lawm takzet tih thuchhuah an siam a, sawrkar hnênah, a bik takin education minister Dr. Vanlalthlana leh School Education department director Angela Zothanpuii-te chungah thinlung takin lawmthu an sawi tih an tarlang.

#ZalenNews