ZALEN June 20, 2025 : Police Department, Zothawthar, Custom Preventive Force, Champhai leh Assam Rifles tangkawp te chuan Zokhawthar leh Zote hmun hnih-ah heroin hawng 18 an man a, heng an thil man te hi Custom leh Police lam hian hmalak chhunzawm atan an kutken.

June 18, 2028 tlai Dar 3:15 vel khan pawl pahnih tangrual te hian Zote-ah hian Hyundai Getz (Regd No MZ 01 E 0277) atangin Heroin hi Hawng 15 (134.5 gms) an man a, an thil man hi Rs 1,00,87,500/- hu niin an chhut.

Zote-ah vek hian June 18, 2025 tlai 4:30 vel khan check gate-ah mi pakhat kut atangin Heroin No 4 hawng 1 (10.2 gram) a rit chu an man a, hei hi cheng nuai 7.65 man nia chhut a ni.

June 18, 2025 tlai dar 5:30 velah Police Department, Zokhawthar leh Assam Rifles tangdun te chuan an thudawn bawhzuiin Zokhawthar-ah hmun pakhat an dap naah Heroin No 4 hawng 5 (gram 64) a rit an man a, hei hi Cheng nuai 48 man vel nia chhut a ni.