ZALEN, July 9, 2025 : Zokhawthar Branch YMA chuan an khaw chhungah raltlan emaw, tualchhung mi pawh nise Mizo ṭawng chiah hmang turin an ti. 

Mizo ṭawng chauh hmang tura inhriattir nan Nilaini chhun khan YMA chuan tlâng auin a puang a ni. 

Zalên thudawn danin Zokhawtharah hian bazaar leh khawharin velah ṭawng bil hmanga inbiakna a tam ṭhin avangin inlungrual nan Mizo ṭawng chiah hman hi an lo kalpui tawh thin a. Tun tuma Myanmar buaina thar avanga hetianga hma la thar ni lovin an inhriat thartir lehna niin an sawi. 

Tun hnaia Myanmar chhunga CDF Hualngoram leh CNDF inkahna avangin Zokhawtharah hian raltlan 4,000 vel an awm mek a, chhungte belh tur nei lo chu Community Hall-ah awmtir a ni. 

Zokhawthar Village Level Committee on Myanmar Refuge (VLCMR) chuan raltlante ei tur leh mamawhte an buatsaihsak thin a ni.