Aizawl: Nimin khan Darlung-ah ZPM Dampa East Block Political Training an nei a, ZPM General Headquarters hruaitu ten an hmanpui.

Political training a thu sawitu ZPM PAC zinga mi Isak Malsawma chuan, "ZPM te sawrkarna chang khawpa party chak tha kan nih theihna tur chuan Unit, Group, Block leh Hqrs te hi tha leh nghet taka kan inthlunzawm that a ngai a. Mahni duhdan leh ngaihdan ngawt aiin thuawihna a pawimawh zawk," a ti a. "Kuthnathawktute chawikanna tur hian an tana budget tha nei turin budget-ah Aizawl by-pass road atan vbc 500 te, Bamboo link road atan vbc 100 te an dah theih chuan keini pawhin vbc 1,000 pawh kan dah thei a. Thlai thar leina hi ZPM sawrkar chuan a nei ngei dawn a ni," a ti.

B Lalchhanzova chuan, "ZPM chakna bul chu thil tha duhte inhlawmkhawm a nihna hi a ni a, sum leh pai ropuina ai chuan ram siamthat kan duhna thinlung hi a chak zawk a ni. Kan ram siamthat hi keini aiin Pathianin a vei na zawk daih, a hman tlak leh a thawhpui theih nih kan tum tur a ni. ZPM chuan therhlo ita kan ram mipuite hrekbeha an awm hi kan lainat a, chuta tanga chhanchhuah kan tum a ni. Mipuite retheihna remchanga laa vote zawn thinna hi tih reh kan tum dawn a, tute pawhin an ngaihdante zalen taka an sawingamna Zoram din hi kan hmathlir a ni," a ti.

Political training-ah hian Reiek, Darlung, Khawrihnim, Lungphun, Hreichuk, Bawngthah, South Sabual leh Bawlte atangin party hruaitute an tel a ni