Aizawl: MLA pahnih Vanlalhlana ZMP Legislature Dy. Leader leh Lalchhuanthanga te chuan nimin khan Bairabi an tlawh a. State pawn atanga lo lutte ven hna Village Task Force- ten an thawh dan chu fakawm an ti a, Police leh truck driver-te erawh ngaihsak an ngai tih an sawi.

Aizawl North- I bialtu MLA Vanlalhlana chuan, “Bairibi North leh South-a Local Task Force-te chuan theihtawp an chhuah a, Local Task Force- ten hripui laka mipuite venhim hna an thawh dan a lungawithlak a, bialtu MLA Rintea pawhin a vil hneh hle a, FCI Godown-ah pawh buhfai a lo thleng tha a, a phur tur truck-te pawh a tam tawk a ni,” a ti.

Aizawl South-II bialtu Lalchhuanthanga pawhin National Highway vengtu Assam Police leh Mizoram Police-te an awm khawm chu fel tawk lova a hriat thu a sawi a, police-te an hah thu leh khawsak dan erawh ziaawm deuh an mamawh thu a sawi. FCI Godown-a buhfai phurh tur chang driver-te an awm khawm a ngaih vangin, ruahmanna fel zawk an mamawh nia a hmuh thu a sawi.

MLA-te hi Bairabi North leh South LTF hotuten an lo tawiawm a, LTF te hnenah hian thawhlawm Rs 3000 ve ve an thawh a ni.