ZALEN September 17, 2026: Kum tina neih ṭhin Commonwealth Parliamentary Conference vawi 69-na, S. Africa khawpui Cape Town-a neih mekah Mizoram Legislative Assembly Speaker Lalbiakzama a tel. He conference-ah hian India delegate Lead Speaker atan hian Mizoram Legislative Assembly Speaker hi ruat a ni.

He Conference thupui hi "Unity to protect Multilateralism, Observing International Law for Equality and Development in the Commonwealth and Beyond : The Role of Parliaments" tih a ni.

Conference-ah hian khawvel huapa Paliamentary System chawisan zelna leh khawvel ram hrang hrangten rualkhai zawka hmasawnna kawng an zawh tlan theihna tur thupui hrang hrang hmangin sawiho a ni a. Thil tam tak sawiho zingah "Artificial Intelligence in Parliament : Current Applications, Prospects and Implementation Strategies" ah Lalbiakzama chu Indian Delegates aiawha Lead Speaker tura ruat a ni.

Commonwealth Parliamentary Association hi tun hmaa British-in a lo awp tawh ram, Parliamentary system hmanga ram rorelna kalpuitute intel khawm niin ram 56 an tel a ni.

CPA Conference vawi 69-na hi September 13 aṭanga ṭanin September 20 thleng a awh dawn a. Kum 2027-ah Conference vawi 70-na chu Ottowa, Canada ah nghah a ni ang.

Speaker Lalbiakzama hi Lalthangmawia, Addl. Secretary, Mizoram Legislative Assembly in a ṭawiawm a ni.