ZALEN July 01, 2026: Govt. Mizo High School & Govt. Mizo Higher Secondary School Alumni (Govemiknights) Emergency Chief Executive Council Meeting chuan an School ram chhung (compound)-ah mimal emaw, pawl emaw, veng malin hmunhma engmah an neih loh nan a tawp thlenga dodala hma lak an zel tum

Govemiknights meeting hi MZP Conference Hall, Tuikual, Aizawl-ah nimin khan neih a ni a. 1982 batch atanga 2026 batch inkara batch representative mi 50 chuang an tel a ni. 

Meeting hian Govt. Mizo High School emaw Govt. Mizo Higher Secondary School ram chhung (compound)-ah mimal emaw, pawl emaw, veng malin hmunhma engmah an neih loh nan a tawp thlenga dodala hma lak zel chu inlungrual takin a pawm. 

An pawl inrelbawlna chungchng sawihovin, Govt. Mizo High School & Govt. Mizo Higher Secondary School Alumni (Govemikhnights) awm sa hi 2017 leh 2023-a Principal, Headmaster leh Faculty Committee te pawmpui thlapa din a nih avangin Alumni pawl hran siam emaw din an remti lo. Hemi chungchang bikah hian pawl dingsa zah loa pawl inlungrualna tichhe thei zawnga hma la tupawh an awm a nih chuan a tawp thlenga hma lak a ni ang an ti.