ZALEN January 26, 2024 : 2024 a hmunphiah chiangtuten an hralh dan tur chu Kolasib Land resouces Soil &Water Conservation, Kolasib chuan thuchhuah an siam a, KG khat cheng 100 chu a lei tlawmna ber tur a ni.

Land resouces, Soil &Water Conservation, Kolasib chuan khaw tinah hmunphiah ching te Association/ society din turin a hriattir a, an hmunphiah chu a ro (dry) in RR Associates, Damalsosh, Shilobari, Kamrup, Assam in kg-ah cheng 100 aia tlawm lovin an lei ang an ti a, a sang lamah chuan Association/society te nena inbiakremna a nih tur thu an hrilh.

RR Associates leh Association/society inremna hi Land resources, Soil & Water Conservation Department in a hriatpui tur thu leh a bak chu department in telna a nei loh tur thu an sawi a, transit pass chu Forest Department in a pek tur thu an sawi bawk. Khawtin-ah hmunphiah chiangtute Association/society din vat tura ngen leh hriattir a ni.