Aizawl August 22, 2024: Vawiin khan LESDE Department Auditorium, MINECO-ah Japan rama Mizo thalai hnathawk tura Delhi-a tawng zir tura vailiamna hun hman a ni.

He hun hmanpuitu LESDE Department Director Angela Zothanpuii chuan NSDC te hmalakna thlawp chungin department in thalai te hmakhua ngai tak leh fimkhur tak chungin hmalakna kalpui zel a nih thin a ti.

Department ngei pawn hmalakna zau zawk an chhawp chhuah zel tur thu a sawi. LESDE Director chuan Japan SSW chu sawrkar hmalakna a Ministry of Skill development and Entrepreneurship hnuai a kalpui a ni tih a sawi a ni. Kal tur te ngaihhruina thilpek a hlan.

Mi 23 te hian thla 9 chhung Delhi-ah Japanese Language Training an nei ang a, chumi zawh chuan Japan lama employer thawhpui te kaltlangin an lehkha pawimawhte tihfel a nih hnuah Japan-ah hna an thawk thei dawn a ni.

Vawiin hun buatsaihah hian LESDE Department-a Joint Director, Deputy Director leh LESO officers te bak ah, department officials dang ten an hmanpui a. Delhi-a kal tur thalai 23 te hi an chhungte'n an rawn tawiawm bawk a ni.