Aizawl August 7, 2024 : India rama puantahtu leh puantah lama hmasawnna atana thawk thate chawimawina sang National Handloom Award chu vawiin khan New Delhi-ah sem a ni a, Vanlalruati, Ramhlun Vengthar, Aizawl hnenah Tribal Weaves Award hlan a ni.

National Handloom Day vawi 10-na lawmna pualin Award hi sem a ni a, India vice president Jagdeep Dhankhar chuan Mizo nu Vanlalruati hnenah hian award hi a hlan a ni. National Handloom Award hi category hrang hrangah then a ni a, Mizoram atranga award dawngtu hi Tribal Weaves Award hlan a ni a, a puan tah 'senior bit design-a table cloth' a tah atangin award hi dawn tir a ni a. Award hian cheng nuai 2 leh thuziak keng telin, ministry of textiles hnuaiah Hamthatna hrang hrang pek a ni dawn bawk a ni.