Aizawl August 17, 2024 : Ni 9 august 2024 a RG Kar Medical College and Hospital, Kolkata a PG zirlai hmeichhia rawng taka *a duty na hmunah* pawngsual leh thahna chungchangah, Zoram Medical College zirlaite chuan he thil thleng an duhloh zia leh demna lantirnan Students' Union kaihhruaina hnuaiah Candle March Vigil ( Kawng Zawh Hona) ni 16th August 2024 khan an nei.

He hun hi an Doctor zirlaipui thihna tawrhpuina leh hriat reng nan an hmang a ; a tuartu chhungte tan leh dik taka rorelna a awm ngei theih nan tawngtaina hun hman ani bawk . Zoram Medical College students, intern leh faculty te chuan an Doctor thuam (Apron) hain urhsun takin hun an hmang ani